Instrucións de uso
Consulta por termo
Se quixeres coñecer a definición, o contexto de aparición ou algún outro dato relativo a un termo,
deberás introducir a denominación no formulario de consulta (ver marxe esquerda) e clicar sobre o botón
«Busca» do formulario ou premer a tecla «Intro» no teu teclado. Aparecerá unha lista alfabética
dos termos encontrados ou, se o termo non existir na base de datos, unha mensaxe que así o indique.
Para veres a ficha completa de cada termo, só tes que clicar nel.
Listaxe por letra
Se quixeres consultar a listaxe dos termos que comezan por unha determinada letra, deberás clicar nela (xusto debaixo
do formulario de consulta). Tamén poderás ver a lista completa de todos os termos existentes na base de datos clicando en «Todos».
Em ambos os casos, aparecerá unha lista alfabética cos termos recuperados.
Entender unha entrada
Cada ficha mostra unha serie de informacións relativas ao concepto representado polo termo en cuestión:
- termo: indica propiamente a denominación preferente para ese concepto, seguida da súa
categoría gramatical («s f» para substantivo feminino singular, «s m pl» para substantivo
masculino plural, «adx» para adxectivo, etc.)
- remisións: indica outras denominacións dese concepto xulgadas
secundarias, acompañadas sexa de var. (variante xeográfica, ortográfica, etc.), sexa de
sin. (sinónimo perfecto) ou sin. comp. (sinónimo complementario),
así como outros termos que é interesante contrastar:
cfr. (confróntese);
- definición: consigna a descrición do concepto expresado polo termo en cuestión,
através do seu tipo e da enumeración das característias principais;
- contextos: recolle os contextos de aparición do termo en cuestión,
extraídos da bibliografía utilizada;
- nota: rexistra calquera outra información que poida ser esclarecedora respecto ao uso
do termo ou ao alcance semántico do concepto.
Esquema conceptual
Se preferires acceder a unha listaxe de termos agrupados pola súa abranxencia conceptual, ou acceder á ficha completa dun
determinado termo cuxa denominación descoñeces, poderás facelo desde o
esquema conceptual, quer clicando en [az] ao lado
das tres categorías principais, quer navegando pola estrutura para visualizar a
hierarquía e as relacións entre os diversos conceptos.
O esquema conceptual permíteche igualmente obter unha visión de conxunto dos conceptos cos que lida este dicionario,
así como das relacións existentes entre eles. Así mesmo, a
árbore conceptual
fornece unha organización pluridimensional.
Contribucións e contacto
O
formulario de contribución permíteche introducir na base de datos
termos con cadansúas informacións correspondentes,
que serán consultábeis unha vez validados e completados polo administrador do dicionario.
Para me faceres chegar comentarios sobre o dicionario, quer tímidas suxestións quer críticas feroces, ou
para completar a información que corresponde a un termo xa existente, podes utilizar o
formulario da sección de contacto ou enviarme un correo electrónico.
Bibliografía
Se estiveres interesado en obter información extensa sobre o traxe particular de cada rexión galega,
a evolución histórica da indumentaria ou a semiótica da vestimenta e outros temas de grande interese que ultrapasan o
obxecto deste diccionario, podes consultar a lista de
referencias bibliográficas
que utilicei na elaboración deste traballo.
