Benvind@!

Este dicionario, realizado por Manuel Souto Pico como traballo de fin de carreira [pdf] da licenciatura de Tradución e Interpretación na Universidade de Vigo, pretende sistematizar, de acordo cos principios da terminoloxía, o vocabulario da vestimenta tradicional galega, tanto no plano denominativo como no conceptual.

Este dicionario recolle só aqueles termos aparecidos na bibliografía utilizada. Non é, pois, un dicionario completo, pero si representativo dos principais termos (aínda que tamén rexistra outros menos frecuentes) utilizados polo xeral nos estudos etnográficos sobre a vestimenta ou o traxe galegos. Ademais, este dicionario está en constante ampliación, na que ti tamén podes participar.

Neste sitio podes

• Realizar consultas a partir dun termo que coñezas;
• Coñecer a organización conceptual da área e encontrar o termo dun concepto que fai parte dela, ou simplemente para obter unha visión de conxunto;
• Achegar información sobre algún termo incompleto ou mesmo achegar un novo que coñezas.

Tamén podes consultar a compilación de referencias bibliográficas se estiveres interesad@ en obter información extensa sobre o traxe particular de cada rexión galega, a evolución histórica da indumentaria ou a semiótica da vestimenta e outros temas de grande interese que ultrapasan o obxecto deste dicionario.